狗狗食Royal Canin狗糧食到有皮膚病ar

changpa

我屋企既狗狗無啦啦身上有d黑色一達達既野出黎!!
一開頭我仲以為係d狗小食問題, 因為上個月寵物節果時我執左好多寵物小食返黎諗住慢慢俾隻狗狗食~
今個月頭開始發現狗狗身上肚仔部份有d黑色野出黎, 就知係開始皮膚敏感果d野啦!!
咁我就即刻停左餵小食, 淨餵狗糧睇返會唔會自動好返~~
點知前日開始, 黑色一達達既地方愈黎愈快塊, 而本身只係生響肚仔度, 到依家背部都有!!
最後我忍唔住去寵物店度同狗狗沖涼, 睇下有無得滴藥等等方法, 同埋搵出個原因~~
個店主同我講, 話我隻狗狗身上出現果d黑色野, 原因係食得太多油份高既食物, 仲話一黎見到我隻狗狗d毛髮, 就知道食太多油份野, 因為d毛好油好難睇~~
我心諗, 都戒左零食啦, 淨係食狗糧應該唔會有事架啵~
點知一上網search「Royal Canin 味精」, 就見到好多呢隻牌子既討論, 大部份都係話呢隻糧高油份超多味精!
好多人都分享呢隻糧點食到佢隻狗狗毛色差哂, 有d仲有埋腸胃病tim!!
今次我隻狗狗都算好彩, 只係因為油脂分泌過多出現黑色一達達...再食耐d我真係唔知狗狗會點啦!!
呢隻牌子既貓狗糧又唔係平, 又贊助獸醫店搞到d主人以為佢d糧好健康, 但原來都係呃人架!!
大家睇完呢個post快d轉載俾其他愛寵主人! 等佢地唔好再俾心愛既寵物食到壞啦!!